طريقة عمل جبنة رومي بالمنزل

** المكونات:

​كيلو لبن (يفضل يكون دسم).

​بطاطساية كبيرة مسلوقة ومهروسة ناعم جداً زي الكريم 

​كوباية نشا 

​٤ قطع جبنة نستو 

​رشة كركم

​فلفل أسود حصى 

​نص كوباية زيت.

**​الخطوات :

​الضرب في الخلاط: حطي اللبن والبطاطس المهروسة والنشا والجبنة النستو والكركم والزيت في الخلاط، واضربي لحد ما يبقى خليط ناعم ميه واحدة.

​التسوية: حطي الخليط في حلة "تيفال" على نار هادية جداً، وافضلي قلبي بمضرب يدوي  هتلاحظي:

• الأول سائل
• بعد شوية يبدأ يتقل
• في الآخر يبقى عجينة تقيلة "بتلم في بعضها"

 لحد ما الخليط يتقل ويبدأ "يلم" معاكي ويبقى عجينة متماسكة.

مهم: لو سبتِه من غير تقليب هيتكتل أو يتحرق .

​التشكيل: في المرحلة دي، رشي الفلفل الأسود الحصى وقلبي تقليبة أخيرة.

​الكبس: ادهني علبة بلاستيك زيت، وصبي فيها الخليط وهو سخن، واكبسيه بيدك كويس، وحطي فوقه تقل  وسيبيه في الثلاجة ليلة كاملة.وبعد كده قطعيه زي ما انت عاوزه

التبريد :

• يدخل التلاجة ليلة كاملة
• تاني يوم:
  • هتلاقيه مسك نفسه
  • يتقطع شرائح أو مكعبات بسهولة

 أسرار النجاح

• البطاطس لازم تكون ناعمة جدًا (زي الكريم)
• التقليب المستمر = قوام مظبوط
• النار الهادية مهمة عشان مايفصلش
• لو عايز طعم أقوى:
  • زودي رشة ملح
  • أو رشة بابريكا / ثوم بودر

 استخداماتها

• ساندوتشات
• بيتزا
• مكرونة
• تتحمر في الطاسة كمان 👌