مشهد اذلال كامل اتصور واتنشر والبلد كلها شافته

القصة بدأت لما فيديو طلع على السوشيال ميديا باين فيه شاب واقف في الشارع لابس بدلة رقص ومجبر يطلع فوق كرسي وناس حواليه بتضربه وبتصوره بالموبايلات وسط صريخ ولمّة ناس الناس افتكرت في الأول إنه خاطف بنت لكن بعد ساعات البنت نفسها ظهرت في فيديو وقالت اسلام ما خطفنيش انا اللي روحتله وبحبه وبيحبني ومش عايزة خطيبي الحالي وعايزه اسلام والكلام ده قلب الصورة تماما وزارة الداخلية أعلنت إن تم ضبط تسعة أشخاص من بينهم سيدتين وإنهم اعترفوا إنهم ضربوه واجبروه يلبس هدوم حريمي وصوروه بسبب علاقة عاطفية بينه وبين بنت من عيلتهم والشاب اتصاب بكدمات وسحجات وتم اتخاذ الإجراءات القانونية والنيابة بتباشر التحقيق أسرة الشاب قالت إنهم دخلوا عليهم بسكاكين واخدوه وقالوا لهم رجعوا بنتنا وهنجوزهم لبعض وبعدها رجعوا خدوه تاني ومشفناهوش غير في الفيديوهات المنتشرة وهو بيتضرب ويتذل عمدة قرية ميت عاصم أثناء الواقعة ضربه قلمين عشان يمشوه والموضوع يخلص ولو ثبت ده قانونا يبقى أي حد شارك في الاعتداء أو سهل أو تستر لازم يتحاسب لأن مفيش حد فوق القانون مهما كان منصبه القضية دلوقتي قدام النيابة والتحقيق هو اللي هيحدد المسؤوليات كاملة من أول اللي ضرب واللي صور واللي نشر واللي حرض وأي مسؤول رسمي لو ثبت تورطه لازم يتحاسب زيه زي أي مواطن بعض المحامين بيقولوا إن القانون المصري في حالات الاعتداء المصحوب بإكراه أو هتك عرض أو اعتداء جسيم ممكن يوصل لعقوبات مشددة جدا وقد تصل للإعدام حسب توصيف الجريمة ومواد قانون العقوبات اللي حصل وصمة عار لأن فكرة إذلال إنسان في الشارع وتصويره ونشر الفيديو جريمة مستقلة في حد ذاتها غير الضرب وغير أي اتهام تاني واللي اتعمل ده ملهوش علاقة بحماية سمعة ولا اسم عيلة ده تعدي على القانون وعلى الإنسانية المطلوب دلوقتي تحقيق شفاف ومحاسبة كل من ثبت تورطه وتطبيق أقصى عقوبة ينص عليها القانون عشان تكون رسالة واضحة إن محدش له حق ياخد القانون في إيده وإن الكرامة الإنسانية خط أحمر وإن أي منصب أو نفوذ مش درع يحمي من الحساب العدل بس هو اللي يرجع هيبة القانون ويطمن الناس إن اللي اتعمل مش هيتكرر وإن أي اعتداء أو إذلال علني هيتواجه بحزم علشان تبقى عبرة لغيره ويحس كل واحد إن القانون فوق الجميع